| 1 | |
AF268: 57v taqdīr‑i rabbānī ẕikr olunduġı üzre aʿdānuñ teġallübi ve ʿasākirüñ tefriqası vāqiʿ olduqda ordu‑yi hümāyūndan dūr olan // ʿasākir ʿumūmen ol gėce kimi Egri ve kimi Budūn ve kimi Ṣolnoq yollarına ve ṣaḥrālarda perīşān olub ve ordu‑yi hümāyūnda olan // piyādenüñ eks̱eri eger eşrāfuñ ve eger sāyir ʿasākirüñ ṭavīlelerinde bulınan atlarına [...] [...] qatarlarına binüb ve firār ėdüb // ve niçeleri daḫı esbāb‑i ġāretine dest teṭāvül ėdüb ve bi l‑cümle kimi düşmenden ve kimi birbirinden żarar u ziyān görmedük kimesneler [?] // qalmışdur ėrtesi ʿasker ʿumūmen yoqlama fermān olınub ʿaskerüñ nıṣfı belki daḫı ziyādesi mevcūd bulunmayub yeñiçeri mevcūd nām‑ile [?] // yigirmi biñ neferden ziyāde enʿām‑i pādişāhī alub ẕikr olınan maʿrekede beş‑yüz tüfeng atar bulınmamışdur yoqlamaları // daḫı żabṭçılar ellerinde olmaġla mevcūd ve nā‑mevcūdı bir vech‑ile maʿlūm olmayub ve dergāh‑i ʿālī sipāhī oġlanları ṭoquz biñe qarīb olub ve siliḥ‑dār daḫı aña göre ve dört bölük daḫı aña göre cümlesi beş biñ nefer ancaq mevcūd bulınub // ve dergā[h]‑i ʿālī müteferriqaları vü çāvuşları ke‑ẕālike ol gün mevcūd bulunmayanlaruñ ḥayme [!] ve esbābları beytü l‑māla ve tīmār ve zeʿāmetleri // kimi ḥāṣṣ‑i hümāyūna ilḥāq ve kimi āḫar kimesnelere tevzīʿ vü tevcīh olınub ve ʿulūfede olanlaruñ ʿulūfeleri qaṭʿ olınub ve bi l‑cümle // bu ʿaṭīye‑i cemīle muqābelesinde merḥametlü ve ʿizzetlü pādişāh‑i ʿālem‑penāh ḥażretleri kemāl‑i reʾfet ve merḥametlerinden ḫaṭāsı vāqiʿ // olanlaruñ daḫı şükrāne içün cerāyimlerine raqam‑i ʿafv çekmek muqarrer iken maḥżen [?] dirlüklerin alan erbāb‑i devlet ve aṣḥāb‑i miknet // dirlükleri ve erzāqları alınmaġ‑ile qanāʿat eylemeyüb dirlükleri ḫāṭırı‑çün başlarına qaṣd u emāneten seʿādetlü pādişāhı [...] // ėdüb memleketlerinde olan islākların daḫı mīrīden firūḫt olınmaġa fermān ėtdürüb bu sebeb‑ile niçe yüz biñ nüfūsuñ // ve qulūbuñ inkisārlarına ve maʿīşetleri żarūretine mūceb bir emr‑i ʿasīr olmışdur ki bir devrde ve bir ʿaṣrda vāqiʿ olmamışdur // devletlü pādişāh menzil‑i mezbūrda muẓaffer ü manṣūr iki gün ārām u ḥużūr ėdüb küffār‑i ḥāksārdan [!] alınan ṭopları ve żarbuzanları // çekmege ḥāllü ḥālince begler begilere tevzīʿ u fermān olınub yėrde [?] göçilüb Egri ṣaḥrāsına nüzūl buyurub maḥall‑i mezbūrda daḫı ve ötesinde [?] // ve Egri qalʿesinüñ cümle tedārüki ber‑ṭaraf olub ve maḥrūse‑i İstānbūla ve sāyir memālike fetḥ‑nāme ḥükmleri yazılub bu fütūḥāt‑i // cemīle müjdesiyle dergāh‑i ʿālī qapuçıları başlarından iftiḥārü [!] l‑ḫavāṣṣu l‑muqarribīn ʿAlī Aġa ve Emīr Aġayı [?] bāb‑i seʿādet dāme ʿaliyye [?] // maḥrūse‑i İstānbūla meʾmūr olmaġın ol‑ki vāqiʿ ḥāldür ʿale vechü l‑icmāl küstāḫāne cānib‑i seʿādetlerine ʿarż olındı // inşā llāhu taʿālā ʿan qarīb ḥākipāy‑i [!] iksīr‑teʾs̱īrlerine rūy‑māl ėtmek müyesser olduqda sāyir ḥavādis̱ ʿale t‑tafṣīl ʿarż u ḥikāyet olına // ve bu fetḥ celīlü l‑ās̱āra ve bunlara tārīḫlerdür tārīḫlerdür ki tesvīr olınmışdur tārīḫ 1 Ḫān‑i Meḥemmed zübde‑i ʿOs̱māniyān 2 Āsmān‑i nuṣretüñ sen māhısın 3 ʿAdl içündür dāyimā hep niyyetüñ 4 Ḥamdi llāh ṣad hezārān ṣıdq‑ile 5 Yėr yüzinden düşmeni refʿ ėtmege 6 Bulmadı yol fetḥ‑i bāba çün sipāh 7 Ḥamd ėdüb erbāb‑i dil tārīḫ dėdi Fī s‑sene // fī 4 rebīʿü l‑evvel [...] ḫams ve elf |